Çfarë po ndodh me Hormuzin? Aleatët reagonë dhe Teherani jep garanci

Teherani njoftoi gatishmërinë për të lejuar hyrjen e anijeve që lidhen me Japoninë nëpër Ngushticën e Hormuzit, një arterie thelbësore ku kalon pjesa më e madhe e importeve të naftës për vendin.

Autoritetet iraniane gjithashtu thanë se anijet që kanë destinacion ose pronësi të vendeve si Kina, India dhe Pakistani po kalojnë në mënyrë të sigurt përmes këtij korridori strategjik detar.

Në reagim, Gjermania dhe mbi njëzet shtete të tjera firmosën një deklaratë të përbashkët, duke marrë përsipër të ndërmarrin masa të përshtatshme për të rritur sigurinë e trafikut detar në rajon.

Një grup i shteteve, përfshirë Emiratet e Bashkuara, Bahreinin, Britaninë e Madhe, Francën, Japoninë, Korenë e Jugut dhe Australinë, dënuan sulmet e Iranit kundër anijeve tregtare dhe infrastrukturës së energjisë në zonë.

Dokumenti i përbashkët paralajmëroi se pasojat e veprimeve të Teheranit do të ndihen gjerësisht dhe se ndikimi do të jetë më i rëndë tek komunitetet më të cenueshme në mbarë botën.

Uashingtoni bëri thirrje për veprim të koordinuar: presidenti amerikan kërkoi ndihmë nga partnerët për rindërtimin e qarkullimit të sigurt detar dhe kritikoi vendet që, sipas tij, nuk kanë vepruar mjaftueshëm.