Çfarë po ndodh me frutat në trotuar? Çmimet që habitin Tiranën

Një valë kritikash ka pasuar rritjen e skajshme të çmimeve të frutave dhe perimeve, ndërsa stendat e ngritura mbi trotuar po shkaktojnë probleme për kalimtarët dhe veçanërisht të moshuarit.

Në listën e çmimeve të denoncuara shënohen: domatet 300–340 lekë/kg; domatet e vogla 640 lekë/kg; speci i kuq 340 lekë/kg; karrota 140–150 lekë/kg; patëllxhani pa standard 320 lekë/kg; bizelet 480 lekë/kg; mashurkat 600 lekë/kg.

Ankesat përfshijnë edhe mungesën e kuponit fiskal nga shumica e tregtarëve të vegjël pranë trotuarit, një element që përforcon shqetësimet për praktika jo transparente në treg publik.

Prej një viti është kërkuar nga autoritetet komunale që të lirohet gjysma e trotuarit për të moshuarit dhe kalimtarët, por kërkesa ka mbetur pa zgjidhje; sipas të njëjtave ankesa, policia lokale ka treguar mirëkuptim ndaj shitësve.